Hudubar farko
Ya ku musulmai!
Ku ji tsoron Allah, duk wanda ya ji tsoron
Allah Matsayinsa zai daukaka har ya haura nisan taurari ya taka tsanin da zai
kai shi kololuwa.(ku ji tsoron Allah zai ilmantar da
ku,kuma Allah Masani ne ga dukkan komai).
Fikihu guzuri ne na mai bautan Allah, kuma taimako ne ga mai neman
shiriya. duk wanda fikihunsa ya karanta to aikinsa zai munana, jahilcinsa kuma ya halaka shi , idan hunturu ya zo mutane sukan yi amfani da huffi
da safa da mayafi da abin dumama jiki .
Shafa akan huffi guda biyu abu ne da ya halatta
ba mai musun haka sai dan bidi'a, mai sabawa jama'ar musulmai da malaman fikihu
da hadisi.
Manzon Allah tsira da amincin Allah su tabbata
a gare shi ya kasance yana shafa akan
huffi, ya tabbata shafa akan safa daga wasu sashi na daga sahabbai Allah ya
kara yarda a gare su .
Halaccin
shafa a kan huffi biyu sauki ne da kuma dadadawa da yalwatawa da saukakawa
a cikin shari'a sabo da
bukatuwar sanya shi sannan kuma
za a hadu da wahala wurin yawan cire
shi.
Wanda ya ke son shafa a kan huffi to ya wajaba
ya nemi sanin hukunce- hukuncensa
da sanin tsawon mudda (lokaci) da sifarsa da sharudan
halaccinsa, da abin da ke warware shi da
hukuncinsa idan ya warware da wanin haka
na daga matsaloli .
YA KU MUSULMAI:
Huffi abu ne da aka sana'anta shi daga
fata ana ambaton shi da huffi ne sabo da rashin nauyinsa ko kuma
kamar yadda wasu suka ce '' sabo
da hukunci ya yi sauki na in an sanya shi a yi shafa a madadin wankewa, ''
Amma ita safa aba ce da
ke rufe kafa wanda aka sana'anta ta daga auduga ko gashi ko jawazkar gashi, ko
kyalle, wanda aka fi sani a yau da Shurrab.
.
An shardanta
su zama suna da tsarki kuma sun suturce dukkan kafofi biyu da idon sawu, kuma
su zama suna da kauri basu bayyana jiki, to idan huffi ya zama mai bayyana jiki,
kuma danshin shafan da aka yi yana jika kafa, kuma yana bayyana launin fata, to
bai halatta a yi shafa a kansa. idan ya kasance ba shara-shara ba ne kaurinsa
bai barin ruwa ya jika kafa to ya halatta a yi shafa a kansa, a daya daga cikin
zantuka biyu na malamai.
Kuma an shardanta ya sanya su bayan ya yi
cikakken tsarki na ruwa, idan ya yi shafa akansu ba tare da yana da dahara cikakkiya
na ruwa ba kafin sa su to alolarsa da sallarsa basu inganta ba.
Idan ya wanke daya daga cikin kafafuwarsa sa'anan
ya sanya safa sannan ya wanke daya kafar kuma ya sanya ta cikin huffi ko safa
to baya halatta ya shafa akanta a zance mafi inganci cikin maganganu biyu na
malamai sabo da hadisin Abu bakrata -Allah ya kara yarda a gare shi- ya zo cikin shi (Idan
yayi tsarki sai ya sanya huffinsa biyu, to ya yi shafa a kansu) to
harafin Fa a hadidisin yana
hukunta bin juna take hade da jerantawa : sabo da haka ya wajaba ya kammala
tsarkinsa ya kuma kammala alolarsa ya kuma gama wanke kafafuwansa biyu sa'annan
sai ya shigar da su cikin huffinsa biyu ko safarsa biyu.
Mazaunin gida na iya shafa akan hufi tsawon
wuni da dare, matafiyi kuma zai iya shafa bisa huffi har tsawon kwanaki uku
dare da wuninsu.
Muddar shafan na fara wa ne tun daga shafar
farko bayan ya yi karamin hadasi a zance mafi inganci cikin maganganu biyu na
malamai,
To zai yi ta shafa a kan su tun daga shafan
farko bayan hadasi karami har zuwa misalin wannan lokaci na washegari idan mazaunin gida ne. in kuma
matafiyi ne to har zuwa kwatankwacin wannan lokaci na rana ta hudu.
Umar dan khaddabi Allah ya kara
yarda a gare shi yace: zai shafa a kan su har zuwa kwatankwacin wannan sa'a na wuninsa da darensa) Abdurrazak ya fitar da
shi.
To idan Muddar ta kare to dahararsa
ta warware a gun wasu malaman fikihu, wasu kuma suka ce: a'a, alolarsa bata
warware ba ko da kuwa lokacin shafa ya kare ne a halin yana cikin salla to zai
karasa sallarsa don karewar mudda baa sanya ta cikin masu warware alola, amma
maganar farko ta fi zamewa Ahwad iyakantacciya don fita daga sabani ga
sallar. Kiyayewa da yin taka tsantsan shi ya fi dacewa bisa a rasa tabbacin sharadi
na inganci.
Idan ya yi hadasi bayan karewar
muddar to ba zai yi shafa a kansu ba har sai ya cire su, ya yi cikakken tsarki
sannan ya sa su.
Zai iya shafa cikin muddar muddin ba
janaba ya yi ba, to idan ya yi janaba ta hanyar jima'i ko mafarki ko waninsu,
to ba zai yi shafa akan su ba har sai ya wanke dukkan jikinsa, har da kafafuwarsa
biyu, An karbo daga Safwan bin Assal Allah ya
kara yarda a gare shi yace: (Manzon Allah tsira da amincin Allah su tabbata a
gare shi ya kasance yana umartanmu in mun kasance muna halin tafiya da kada mu
cire huffinmu har tsawon kwanaki uku da dararrakinsu, sai dai don janaba, ba bahaya
ko fitsari ko barci ba.
Idan yayi shakku bisa muddar shafan
to ba zai shafa ba tare da shakku, sabo da rashin tabbacin sharadin halaccin shafar.
A duk lokacin da ya cire huffinsa
biyu ko safanninsa biyu, ko kuma ya cire huffin daya daga cikin kafafuwa biyu
to shafarsa ta warware alolarsa kuma ta baci, wanke kafafuwarsa ba zai isar
masa ba da ya ci gaba da shafa a kansu, sai dai ya wajaba a gare shi ya sabonta
tsarki na ruwa kafin ya halatta a gare shi ya yi shafa a kansu a zance mafi
inganci cikin maganganu biyu na malamai.
Don kiyayewa da iyakancewa ga salla,
sabo da kuma mustahabbi ne fita daga sabani.
Ya ku masallata masu tsarki!
Idan har a huffi ko safa akwai huji
ko yagewa ko kecewa wanda bigere na farilla ke bayyana to in har ya yi girma
sosai to ba ya halatta a yi shafa a kansa sai in ya kasnce kadan ne. idan
kecewar daga saman idon sawu ne to haka ba zai cutar da shi ba.
Abin da ya ke wajibi shine shafa a
saman huffi ba kasansa ba, ko dunduniyarsa ko kwabrinsa ba,
Sifar shafar ita ce :
ya dora jikakkun hannayensa yana mai bude yatsun hannayensa bisa yatsun kafarsa
sai ya tafiyar da su tun daga saman tsintsiyar kafar har ya isa ga makyangyamarsa, ba sunna ba ne
ya shafa kasansa ko dunduniyarsa ko kwabrinsa, a zance mafi inganci sabo da hadisin Aliyu Allah ya kara yarda a gare shi yace:(Da
a ce addini ra'ayi ne da shafa kasan huffi shi ya fi dacewa a kan shafa samansa,
hakika na ga Manzon Allah yana shafa bisa saman huffinsa) Abu Dawuda ne ya rawaito.
Wanda ya
bar shafar saman huffi to alolarsa bata inganta da ijma'in malamai, kuma ko da
ya yi salla to sallar ta baci.
Wani mai waka ya ce : Mai barin
shafan sama (huffi) ka bata , zai yi shafa ne gaba daya dama akan dama hagu
akan hagu wasu suka ce :- sunna ne a
gabatar da dama .
Imamu Ahmad Allah ya mishi rahama ya ce:-
( Duk yanda ka yi ya
halatta da hanu daya ko hannaye biyu).
Ba mustahabbi ba ne maimaita shafa
sabo da rashin zuwan hakan , ba a shafa akan huffi mai najasa .
Ya ku masallata matsarkaka : wanda ya kasance matafiyi ya kuma
fara shafan a muddar halin tafiya, ya yi shafa
kasa da wuni da dare sa'annan ya dawo garin shi zai cika wuni da dare. idan ya yi shafan a halin tafiya wuni da
dare zuwa sama sa'annan ya dawo garin su
zai cire safar sa biyu bisa wajabci, sabo da karewar lokacin shafa da isowar sa zuwa garinsa, to idan kuma
mazaunin gida ya yi shafa sai ya yi tafiya
kafin karewar muddar shafar to
sai ya cika shafa irin na matafiyi.
ya ku masallata matsarkaka:
Idan ya yi alola da ruwa cikakken alola sannan
ya sanya safa ba tare da yayi hadasi ba har
ya sake dora wani safan daban akan shi to ya
halatta yayi shafa akan safan saman ,
idan ya yi shafa akan safan saman sa'annan ya cire shi to alwalan sa ya
baci .
Idan ya yi alola cikakken alola da ruwa sannan ya sanya safansa , sannan
ya yi hadasi sai kuma ya sanya safa a sama bayan yayi hadasin to baya
halatta a gare shi ya yi shafa akan na saman,
sabo da ya sanya shi ne a halin bai da
tsarki , wato yana mai hadasi to
idan ya shigar da hanunsa kasan safan
saman to ya halatta, idan ya sanya safa a halin yana mai
tsarki na ruwa cikakke sannan ya yi hadasi ya kuma shafa akan shi sa'annan ya sanya wani safan akan shi to baya halatta yayi shafan akan na saman
sabo da ya sanya shi ne a halin
yana da tsarki na shafa ba tsarki na ruwa ba. wanda ya sanya safa a halin yana da tsarki na
ruwa cikakke sannan ya sanya takalmin sau-ciki mai tsawo a kan shi ko but ko kambas, wanda duk sun rufe idon
sawu, to zai iya shafa a kan su, idan ya cire takalmin sau-ciki mai tsawo ko but ko kambas, bayan ya yi shafa a kan su
to alolarsa ta baci.
Idan ya sanya takalmi wato sau ciki wanda bai suturce idon sawu ba, to shafa
a kanta ba zai isar mishi ba.
Idan a kasan akwai safa da ta rufe
idon sawu kuma ya sanya ta da takalmin kafin ya yi hadasi zai shafa bisa
takalmin da abin da ya bayyana na safanni biyu, saman gurin da ake wankewa ya
kuma yi salla a cikinsu gaba daya, to idan ya cire takalman to alolarsa ta baci,
sallarsa kuma bata inganta ba da safa kadai sabo da shafa ya ta'allaka da su.
Allah ya sanya ni da ku cikin wadanda suke bautawa Allah bisa ilimi da
basira.
Ina fadin abin da ku ke ji, ina nema
mana gafaran Allah kuma ku nemi gafararsa, madallah da da rabauta irin na masu
neman gafara.
Huduba ta biyu
Ya ku musulmai!
Ya wajaba ga mai salla ya rika
bibiyar safarsa don tana da saurin yin wari, to a duk lokacin da safa ta yi
wari ko doyi to ya wajaba ya cire ta don
kar ta cutar da mai salla ko musulmi da warinta.
Ko mutanen da sukan yi karin magana
da warinta inda suka ce (ya fi wari a kan warin safa).sun yi zambo da shi sai
dayan su yace :
Ibnu Umair ya yi yakin da ya bar
suna na yabo irin warin safa ketacciya.
Wani kuma ya ce :
Ki yi yabo a gare ni da abin da ki
ka sani domin ni * ina yabon ki kamar yadda ake yiwa iskar safa.
Ya ku musulmai !
Muna nasiha da fadi da ya fi
iyakancewa ga salla a babin shafa bisa huffi, idan ba wasu nassoshi na yanke ko
bayyane, in har ba kunci ko wahala mai
tsanani da ke wajabta sauki wurin amfani da Ahwad din sannan kuma in wurin amfani
da Ahwad din akwai karin bauta da lada.
Hakika malaman fikihu sun nassanta
cewa fita daga sabni abu ne mustahabbi.
Hakika Annabi ya yi amfani da Ihtiyadi
kuma ya yi hukunci da shi a waki'i da
ya shahara
Na daga ciki akwai abin da Buhari da Muslim suka rawaito daga Anas dan Malik Allah
ya kara yarda a gare shi yace:(Annabi ya wuce ga wani dabino ya fado sai yace :
(Ba don ina tsoron kar ya zama cikin na sadaka ba da na ci shi).
. Muna kira ga musulmi da zuciyarsa
ta bude ta karbi sabani a irin wadannan mas'aloli, to in ba haka ba sai su zama
sababi na sabani da kauracewa juna da fada da kiyayya da yankewa juna,
. Ya ku musulmai ! ku godewa Allah bisa ni'imarsa
mai yawa da falalarSa mai yawan zuba, ku tuna yadda mutane su ke tafiya huntaye
ba takalma suna rasa abin jin dumi suna barci bisa duwatsu da safa, sannan kun
wayi gari a bayan su kuna rayuwa mai yalwa.da gurin noma mai yawan alheri da
'ya'yan itace nunannu masu ganye, ku godewa Allah bisa yalwan falaloli da ni'imomi,
to mai biyayya mai godiya yana ci gaba ne cikin falala da habaka da albarka, kuma
mai sabo mai gujewa Allah na tafiya ne zuwa ga walakanci da talauci da halaka.
Ku yi salati da aminci ga Ahmad.
ليست هناك تعليقات:
إرسال تعليق